Accès direct au menu, au contenu.

Navigation

Icône d'un caddie Accès direct à la boutique en ligne

Vous êtes ici : Page d'accueil > Du côté de l'Occitanie > Les races / Las menas

Les races / Las menas

L'ase commun

Z-es l’omològ dels nòstres bastards canins.
Pòt aver totas las colors e quitament
La crotz de Sant-Andrieu.
Pareis a s’i enganar a un ase de raça.
A pas d’estandard, pòt aver de 
Mesuras, colors, e morfologias diferentas.
Son caractèr z-es lo meteis qu’aquel de sos
fraires de raça, pus o mens acentuat segon sos ascendents.

L’ase barrat d’Irlanda

De pichon modèl, l’ase barrat d’Irlanda
aficha un pelatge plan original, blanc,
Pigalhat de doas o tres colors amb una
Borra pro espessa.
D’una mesura avesinant los 1,10 m, pòt
atanben èstre quasi blanc gràcias a de
Crosaments successius de subjèctes de
mens en mens pigalhats. L’ase barrat z-es
dit d’Irlanda, mas semblariá qu’aquel país
foguèsse pas forçadament a l’origina de
totes los ases barrats, ni quitament
Qu’existiguèsse un tipe especial d’Irlanda.
N’existís pas en Irlanda d’estandard per
la raça. I a subretot una plan bèla
Populacion d’ases barrats als Estats-Units,
E mai al Reiaume Unit.

L’ase de Somalia

Nascut a 80 km de Djibotí, al país dels
camèls e de las canas de sucre, l’ase
de Somalia a longa vida. Sacrat reire
dels ases, aparegut i a quicòm coma ½
million d’annadas abans la nòstra èra
a l’especialitat d’èstre l’ase lo pus ancian
e lo pus rapid de tota la planeta. Pòt anar
A 70 km/h.
Z-es pas de bon domdar.
Se mòstra caput e rebèl jos
L’arnesc o la sèla, qu’es un ase salvatge.
L’ase de Somalia z-es aunèit a desaparéisser
Perseguit pels predators
E los òmes, manca de noiridura.
Quò ‘s l’un dels animals los pus menaçat
per la disparicion (son a pena 400).

L’ase blanc d’Egipte

La blancor del pelatge de l’ase blanc z-es
totjorn susprenenta. Existan qualques rars
individús en França. Z-es ordinari dins
Tota l’Africa del nòrd.

L’ase de Peitau

Mesura : bèla de 1,40 a 1,55 m pel mascle
per un pes de 250 a 430 kg
Pelatge : borra espessa amb de flòtas
longas de pel drud, Baia brun
o « chastanha », lo pelatge pòt atanben
aver una color de falgièra
seca o un baia brun plan escure.
Lo morre e lo torn dels uèlhs son
d’una doça color blanca argent

La dejós del ventre e l’intérior
dels membres son gris clar.
Caractèr : bònas e tranquil.

òm ditz que son origina mònta
a l’epòca dels galleses. Z-es
recercat per sas qualitats
d’excellent reproductor. Las
muòlas de Peitau son reputadas
per lor poténcia d’atailatge.

Lo bèl ase negre de Berri

Plan present dins aquela region.
Utilisation : utilizat, perçò que z-es mens
onerós, coma chaval de tira pels
trabalhs dels champs, de vinha, de
pels trabalhs de bateleriá, de farja, pel
transpòrt, lo deschargament, eca.
Estandard : mesura ; 1,35 a 1,45 m pel mascle, pas mens de 1,30 m per la femèla
Pelatge : unit, negre a baia brun escur. Pas de raia de muòl o de zebraduras.
Ventre, interior dels membres e cap del nas gris blanc. Borra rasa.
Caractèr : bèl et fòrt, lo negre de berry z-es viu, coratjós e domergue.

L’ase de Provença

Aquò’s de segur l’ase lo pus conegut
Z-es dempuèi de temps lo companhon
dels pastres pendent l’estiva. Le dison
Dels còps ase d’Arles o de Crau
Òm lo pòt trobar dins la grépia.
Los provençals purs son, ara,
pus rars, mai un fum d’ases
dits comuns mòstran una morfologia
plan semblanta.
Estandard : mesura : 1,20 a 1,30 m. Pelatge d’un polit gris mai o mens
Clar, amb una polida crotz de Sant Andrieu negra. Sos uèlhs son
Enrodats de ros e a lo cap del nas blanc . Ventre sovent
Blanc amb mai o mens de jaune.
Morfologia : aurelhas longas, peitral larg e fòrt.

L’ase dels Pirenèus

Lo breç d’origina de l’ase dels Pirenèus
z-es plan vast : al nòrd-est d’Espanha,
se sòna « catalan »(de mesura pus bèla), al
al sud e sud ouèste de França, le dison
« gascon »(de mesura pus pichona).
Utilisacion : foguèt utilist pel charreg de
la glaça dins los Pirenèus, mas atanben per
passejar lo monde vengut dins las
Estacions termalas.
Anuèit l’ase dels Pirenèus z-es
Un companhon d’excursion mai que bon.
Estandard : mesura ; 1,20 a 1,35 m (o mai)
Pelatge : negre, lusent, baia escura, baia castanha, amb una borra
Rasa dusca 2 ans. Decoloracion al torn dels uèlhs, al cap del
Nas, jol ventre e a l’interior dels membres.

L’ase de Gasconha

L’ase de Gasconha z-es un cosin plan
pròche de l’ase dels Pirenèus, que ne
tòrna prene l’essential de l’estandard.
Pr’aquò seriá d’una mesura pus pichona

L’ase Normand

Z-es fòrt e rustic.
Utilisacion : èra utilisat antan,
pels trabalhs de la bòria e mai
especialament pel charreg dels bidons
de lait que pòdian aténher un pes
Quasi egal al seu.
Estandard : mesura 1,10 a 1,25 m
Pelage : baia a baia brun, crotz de Sant Andrieu e una raia del muòl
Amb o sens zebraduras suls membres. Crinièra dreta o penjanta
De la meteissa color que lo pelatge. Lo cap del nas z-es negre e gris
Escur. Los uèlhs son vius amb de lunetas gris blanc amb dels còps
Un pauc de ros.

L’ase Barbonés

Nascut dins Auvèrnha (Alièr), òm lo sòna
« l’ase miracle »
Utilisacion : foguèt utilisat per tirar de
gabarras, pel transpòrt,
Pels trabalhs de la bòria.
Estandard : mesura 1,18 a 1,35 m
Pelatge : brun clar a baia chocolat, z-a una raia de muòl, de
Membres zebrats e una crotz de Sant-Andrieu. Lo ventre,
L’interior dels membres e lo torn dels uèlhs son gris clar.
Caractèr : coratjós e abnegat.

L’ase Còrse

L’ase z-es totjorn estat ben present dins l’iscla.
De crosaments son estats fatchs amb d’ ases
Catalan per rendre l’ase pus bèl
(pas mai de 98 cm a l’origina)
Ara se tròba d’ase Còrse nascuts del
crosament amb d’ases Catalans(pus negres e pus bèls)
E d’ases pus purs (pus pichons et puslèu gris clar).
Utilisacion : autrescòps bastat, atialat o montat, èra
utilizat pels trabalhs de la bòria o dins la
peirièras, per religar los masatges
alunhats,
Anuèit, z-es utilisat per las passejadas.
Estandard : mesura ; 1,17 à 1,24 m
Pelatge : de gris clar a negre.

Pied de page